Ang leptospirosis ay isang zoonotic na sakit na sanhi ng bacteria na Leptospira na kadalasang matatagpuan sa kontaminadong tubig o lupa.

Ang Leptospira ay maaaring makapasok sa katawan sa pamamagitan ng sugat o hiwa sa balat, pati na rin sa mata, ilong, at bibig. Ang ihi mula sa apektadong hayop, tulad ng daga, ay maaaring humalo sa tubig-baha na maaaring makontak ng mga taong lumulusong o naglalaro dito.

Kung hindi maagapan, ang leptospirosis ay maaaring magdulot ng malalang pinsala sa bato, meningitis (pamamaga ng membrane sa paligid ng utak at spinal cord), pagpalya ng atay, hirap sa paghinga, at maging kamatayan.